New Delhi: Jammu o Kashmir ke Omar Abdullah aur Mehbooba Mufti par public safety Act ( PSA ) laganay par sabiq wazeer maaliyaat P. Chidambaram ne Modi hukoomat par shadeed tanqeed ki hai. Unhoun ne kaha ke dono leaderoun par lagaye gaye PSA se mein heran hon. P. Chidambaram ne kaha ke Omar Abdullah, Mehbooba Mufti aur deegar ke khilaaf Public Safety Act ( PSA ) ki bar bariat bhari karwai se heran hon. Alzemaat ke baghair kisi par karwai jamhoriat ka sab se ghatiya qadam hai. Jab na-insafi walay qanoon nafiz kiye jatay hain ya na-insafi karte hue qanoon nafiz kiye jatay hain to logoun ke paas aman se muzahira karne ke ilawa kiya mutabadil hota hai?
P. Chidambaram ne mazeed kaha ke Modi ne kaha hai ke ahtajaji muzahira se anarki hogi aur parliament o Assemblioun ke zareya manzoor kardah qawaneen par amal karna hoga. Wo tareekh aur Mahatma Gandhi, Martin Luther King aur Nelson Mandela ke rehnuma misaloun ko bhool gaye hain. Wazeh rahay ke Jammu o Kashmir ke sabiq Chief Minister Mehbooba Mufti aur National Conference ke leader Omar Abdullah ke khilaaf PSA ke tehat maamla darj kiya gaya. Mehbooba Mufti aur Omar Abdullah par jammu o Kashmir intizamia ne ek baar phir se PSA laga diya. Dono ke khilaaf awaami tahaffuz Act ke tehat maamla darj kar liya gaya hai.
Ghhor talabb hai ke Jammu o Kashmir ke 3 sabiq wazraye aala 5 August se nazar-band hain. Intizamia ne sabiq wazeer aala Mehbooba Mufti ko jahan Transport lain mein ek sarkari Guest House mein nazar band rakha hai to wahein sabiq Chief Minister Omar Abdullah ko un ke ghar mein nazar band rakha gaya hai. Wahein sabiq Chief Minister Dr. Farooq Abdullah ko PSA ke tehat un ke hi ghar mein yarghamal bana kar rakha gaya hai. –YTN STAFF