Bhubhaneshwar: Odisha ke Cuttack ki ek special POCSO adalat ne jumaraat ke roz Mohammad mushtaq Nami shakhs ko 6 saal ki bachi ki Ismat darri karne aur iska qatal ke jurm mein mout ki saza sunai.
Sarkari wakeel Maha Bharat ne bataya ke adalat ne chaharshambe ko mushtaq ko IPC ki dafaa 302, , 363, A376 B aur protection of children POCSO offence act, ke tehat mujrim qarar diya.
Mulzim ne 21 April 2018 ko Selpur ke ek school ke qareeb 6 saal ki bachi ki ismat darri ki thi aur iske sir ko pathar se kuchal kar is ko qatal karne ki koshish ki thi. Mutasir bachi ki haalat kharab hone par usay selpur health center ( SHC) pohanchaya gaya aur baad mein usay cuttack ke SCB medical college aur hospital mein muntaqil kar diya gaya tha. 29 April 2018 ko ilaaj ke douran ladki ne dam toadh diya tha. . YTN STAFF