Mumbai: Mumbai Police ne yahan muqami LT Marg police station se munsalik 32 sala police Constable ko ek Nurse ki esmat raizi karne ke muqadmay ke indraaj ke baad usay moattal kardiya hai. Nurse ne ilzaam lagaya ke constable ne is se shadi ki thi lekin woh pehlay hi shadi shuda tha aur is ne usay apni azdawaji hesiyat se usay aagah nahi kiya tha. Is muamlay mein Constable ki giraftari abhi baqi hai.
Mosala it-tila-aat ke mutabiq haal hi mein Nurse ku Constable ki pichli shadi ka ilm huwa jis ki wajah se dono ke taluqaat mein darar peda hogayi aur baad mein Constable ne Nurse par hamla kardiya. Constable ke shadi shuda honay ke inkishaaf ke baad mutasirah khatoon Nurse ne TT police station se rabita kiya aur is ke khilaaf shikayat darj karwai. Is ki shikayat par police ne Constable ke khilaaf IPC ki daf-aat ke tehat esmat raizi, Dhoka dahi, Dobarah shadi karne ke ilzaam ke tehat muqadma darj kiya jis mein kisi dosray shakhs se shadi, Isqaat hamal, Hamla aur deegar daf-aat bhi shaamil hain.
Police ke mutabiq Constable ( naam mutasireen ki raazdari ki wajah se makhfi mein rakha gaya hai ) ki Facebook par Nurse se mulaqaat huvi thi. Mutasirah khatoon ne ilzaam ayed kiya ke dono ki dosti pyar mein tabdeel huvi aur phir shadi ke bahanay Constable ne is ke sath zyadtyan karna shuru kar di is se jismani taluqaat bananay ke baad Constable ne 2 martaba uska isqaat hamal bhi karwaya.
shikayat mein mazeed kaha gaya hai keh isqaat hamal ke baad dono ne mobayyana tor par shadi karli aur sath rehne lagey, Taham Constable ne usay mutala nahi kiya ke woh pehlay se hi shadi shuda hai aur is pehli biwi se is ka ek Beta bhi hai. Wadala TT police ke senior inspector Shailesh Pasalvad ne kaha ke Constable ke khilaaf muqadma darj kiya gaya hai aur mazeed tafteesh jari hai.