Belgrade: Tennis ki aalmi number 1 Novak Djokovic ne kaha ke wo corona se mutasir ho chukay hain. Unhoun ne mazeed kaha hai ke Croatia main munaqidah ek numaishi Tennis Tournament mein hissa lainay walay deegar mutasirah khiladioun mein wo bhi shaamil hogaye hain. Novak Djokovic ne virus corona se mutasir honay ki tasdeeq ki hai aur kaha hai ke un ke afraad khandan ka nateeja manfi aaya hai.
Djokovic Tournament ke chouthay khiladi ban gaye jo coronavirus ke test mein misbet paye gaye. Is se qabal, Grigor Dimitrov, Borna Coric aur Viktor Troicki bhi corona se mutasir ho chukay hain. Troicki ney guzashta haftay Bulgaria mein Djokovic ke khilaaf muqaabla kiya tha. Croatia ke ek Television channel ke mutabiq Djokovic ke Couches mein se ek aur Dimitrov ke wafad ke ek aur rukan bhi is virus mutasir ho chukay hain.
Coric ne haftay ke roz Croatia Adria Tour ke dosray marhalay mein Bulgaria ke Dimitrov ko shikast di thi. Dimitrov ne is match ke baad Balkans Tournament se dast bardari ikhtiyar karli kyunkay ab wo corona se mutasir hain. Djokovic, jo ATP player council ke sadar hain aur Roos ke Andrey Rublev ke mabain itwaar ka final ahthyat ke pesh e nazar fori tor par mansookh kardiya gaya tha.
Yaad rahe ke duniya ke number one tennis khiladi Serbia ke Novak Djokovic ka peer ko Balkans pounchanay ke baad coronavirus ka test kiya gaya hai. Muqami media ke mutabiq jaanch report mangal ko aayi aur Serbia ke azeem tennis khiladi awam se khitaab kiya. Pesha warana tennis aalmi wabai marz coronavirus ki wajah se multawi kar di gayi hai. Aisi sorat e haal mein Djokovic ne khail ko farogh dainay aur zaroorat mandoon ke liye raqum akhatta karne ke maqsad se 4 marhaly ke Adria Tour ke aaghaz kiya tha.
Is doray ke do marahil munaqqid huve they ke kuch khiladioun aur Djokovic ke corona se mutasir honay ki khabar mili thi. Is doray ke douran Bulgaria ke Top player Grigor Dimitrov aur Croatia ki Borna Coric ke corona test misbet aaye. Un ke ilawa Djokovic ke fitness coach Marco Panichi aur Dimitrov coach Christian Groh bhi corona mein mubtala hogaye. Dimitrov aur Coach ney Djokovic ke zair e ihtimaam Adria tour ke numaishi Tournament mein hissa liya. Dimitrov aur Djokovic ke infection honay ke baad Croatia ke shehar Jadar main is doray ke dosray marhalay ka aakhri marhala mansookh kardiya.