Hyderabad : Habib nagar police hudood ke ilaqa, Noble talkies chow raha par 1 shakhs ne wahan par lagey BJP ke banner ko jala diya, jis ki wajah se wahan halaat kasheeda hogaye.
Tafseelat ke mutabiq Moinabad, Aziz nagar ka rehne wala Nadim Nami 1 shakhs, jiska dimaghi tawazun theek nahi hai, is ne Noble talkies chowraha par lagaye gaye BJP ke banner ko jala diya, iske baad wahan kuch log jama hogaye aur Nadim ko maarne lagey. Magar Habib nagar police station ka Constable Nadim ko un logoun se bacha kar police station muntaqil kar diya.
Constable agar Nadim ko logoun se nahi bachata to yeh chota sa waqea badey fasaad mein tabdeel ho sakta tha.
DCP west zone Sri Srinivas ne mauqa par pohanch kar bhaari police intezamat kiye, aur halaat ko qabu mein kiya. Police ne Nadim ko hospital mein daakhil kar diya, aur ek muqadma darj kar ke tehqiqaat shuru kardi. –YTN STAFF