Nizamabad: Riyasat-e-Telangana ke halqa lok sabha mein 200 se zayed kisanoun nay reyasti wo markazi hukoomatoun ki kisanoun ke huqooq dilanay mein nakami ke khilaaf ehtijaj karte hue parchaye namzadgi daakhil kiya. halqa Lok sabha Nizamabad se wazer-e-aala Telangana ke KCR ki Dukhtar K Kavita doosri baar intikhab lad rahi hain .
Itni kaseer tadaad mein namzadgi daakhil karne ki wajah se imkaan hai ke is halqa mein intikhabaat multawi ho satke hain kyunkay ek EVM ballet box mein 16 umidwaroun ke naam asaktay hain aur ek sath chaar Ballat machine jodhay ja satke hain lehaza 64 umeedwaron ke naam is mein shaamil ho sakte hain. dekhnay wali baat yeh hai ke Election Commission is par kiya qadam uthati hai .
Peer ke roz namzadgi daakhil karne ke aakhri din, darjanoun kisanoun nay azad umeedwar ke tor par parcha namzadgi daakhil karne ke liye returning officer ke daftar ke bahar qatar mein khaday dekhe gaye .
Nizamabad aur Jagtiyal ziloun ke mukhtalif jagahon se kisaan namzadgi daakhil kar nay Nizamabad pohonche. Polls ki janib se izafi polls ko tainaat kiya gaya. aur zilla collector ke daftar ke aas paas security sakht kar di gayi .
Khabar ke mutabiq kuch din pehlay ek kisaan leader P Raja reddy nay kaha tha ke 1000 kisaan Nizamabad halqa se ehtajaji tor par maidan mein Utrenge. unhoun nay kaha ke hum paanch hazaar fee kuntal ke bajaye 15000 hazaar rupay fee kuntal dene ki maang kar rahay hain. aur kaafi arse se Nizamabad mein haldi board qaim karne ka mutalba kar rahay hain .
Pichle hafta ek intikhabi really se khitaab karte hue wazer-e- aala KCR nay kisanon ko yaqeen dehani karai thi ke sarkar unn ke muddoun par ghour karegi. aur un ke masail hal karegi .
Is se qabal K Kavita nay bhi kaha tha ke TRS nay parliment mein rashtriya haldi board qaim karne ki maang ki hai. kavita nay ilzaam lagaya ke congress aur BJP ke leaders kisanoun ko namzadgi daakhil karne ke liye uksa rahay hain. K Kavita nay yeh bhi kaha ke 1000 kisanon ko Varansi aur Amethi lok sabha halqa se namzadgi daakhil karna chahiye, jahan se wazeer-e- aazam Narendra Modi aur Congress sadar Rahul Gandhi intekhabat lad rahay hain .