Hyderabad: Nizam ahad ka ek khasta haal aur nazar andaz Bela Kamaan jis ka ek hissa haliya baarisho ke douran girgaya tha aur ab GHMC ne is khasta haal Kamaan se kisi aur haadsay ki rokk thaam ke liye usay munhadim kardiya. Kamaan jo ek puranay makaan se munsalik tha is tareekhi kamaan ko GHMC ne Earth Mover ka istemaal karte hue neechay khincha jis se woh munhadim hogaya. GHMC ke ek ohdedar ne kaha ke yeh karwai shehrion ki janib se maskhdoosh imaarton ki haalat aur un se peda honay walay khatray ke baray mein shikayat darj karne ke baad ki gayi.
Ohdedaron ne kaha ke shikayat ke baad is ki saakht aur khatrah ka andaza karne ke liye ek muaina kiya gaya. Ohdedar ne kaha hai ke sirf kamaan hi nahi hum ne mulhiqa makaan ko munhadim karne ke liye notice bhi pesh kiya. Darin asna virsa ke karkunaan is dhanchay ko masmaar karne ke faislay par jis andaaz mein GHMC ke ohdedar puhanche is par sawal utha rahay hain. Intech Hyderabad ke Convener P Anuradha Reddy ne kaha kiya haqeeqat yeh hai ke dhanchay ka istehkaam mumkin nahi tha jis ka faisla Conservative Architects ne kiya tha. GHMC ka Architects wing ko is par ghhor karna chahiye tha. Reddy ne kaha ke kamaan Ahmedabad mein nazar anay walay kamaan ki terhan hi tha jo ke rahaish gaahon tak khilta hai.
Kamaan ko munhadim karne ke baad Social Media par ek behas shuru hui hai ke Hyderabad mein jagah jagah Qutub Shahi aur Nizam ahad ki tareekhi emiratein mojood hain jinhein haliya baarisho ne buri terhan mutasir kardiya hai to kya hukkaam ke paas inhen munhadim karne ke ilawa koi dosra mutabadil nahi kyunkay tareekh aur waarsat ko kya aisay hi meta diya jaye ga?