Amravati: Andhra Pradesh ke Governor Viswabhushan Harichandan ne hidaayat di hai ke Nimmagadda Ramesh ko un ke puranay ohda yani reyasti Election Commissioner ke tour par barqarar rakha jaye. Unhoun ne is silsila mein Chief Secretary ko ek maktoob rawana karte hue hidaayat di ke wo High Court ki janib se is khusoos mein diye gaye ehkaam par amal kere.
AP hukoomat ne qabal azeen sarkari ehkaam jari karte hue un ko is ohda se hata diya tha taham adalat ne hukoomat ke faisla ke bar aks hidayat di ke un ko qabal azeen un ke ohda par barqarar rakha jaye. Hukoomat ne is silsila mein High Court ki janib se diye gaye faisla ko adalat e uzma mein challenge kiya aur is par rokk laganay ki khawahish ki thi. Nimmagadda ne guzashta roz Governor se mulaqaat ki thi aur un se khawahish ki thi ke un ko un ke puranay ohda par barqarar rakhnay ke liye hukoomat ko hidayat day jis par Governor ne is hidayat ke sath ye maktoob aaj hukoomat ko likha hai.