Agra : Ek chounkanay walay Waqiya mein, ek dulha ne ”Nikah“ ke ek ghante baad hi nai naveli dulhan ko fori tor par Talaq dediya. yeh Waqiya Rajasthan ke Hariparvat ke ilaqa mein paish aaya.
It-tila-aat ke mutabiq Dulha, 27 sala Nadim urf Pappan, jo zila Dholpur, Rajasthan ka rehne wala hai. isne jumaraat ke roz Hariparvat ki 26 saala ladki Ruby se shadi ki. jab dulhan ka kumba jahez mein mangi gayi car denay mein nakaam raha, to Nadim ne ruby ko nikah honay ke ek ghanta baad hi fori tor par Talaq dediya.
Mazkoorah Waqiya se mutaliq tafseelaat bata e hue Ruby ke bhai Amir ne bataya ke ”jab dulhan ke ahal-e-khana ne jab is harkat par baat karni chahi to dulhe ke kumba ne unki tauheen ki aur un par pathrao kiya.
Dulhan ki walida ki janib se darj ki gayi shikayat par, police ne 3 Talaq qanoon aur jahez act aur IPC ki mutaliqa daf-aat ke tehat muqadma darj kar liya hai. –YTN STAFF