Riyadh : July ke aaghaz mein khabar samnay aayi thi ke fehash muzahiray karne ke liye mashhoor American gulukarah, rapper wo mosiqaar Nicki Minaj 18 July ko Saudi arab ke shehar Jeddah mein muzahira karengi. Nicki Minaj ki janib se Saudi arab mein muzahira karne ke elaan ke baad arab social media par miley jalay radd-e-amal ka izhaar dekha gaya tha. jahan Saudi arab ki noujawan nasal Nicki Minaj ke programme ke elaan se khush dikhayi di thi, wahein khawateen aur deegar afraad ney gulukarah ke program par aitraaz kiya tha. Nicki Minaj ko rawan mah 18 July se Saudi arab ke sahili shehar Jeddah mein world festival mein muzahira karna tha.
Is festival mein Nicki Minaj ke Alawa American DJ steve , Bartanwi gulukar lyam pane aur deegar mousiqaron aur gulukaroun ko muzahira karna tha, taham ab Nicki Minaj is festival mein muzahira nahi karengi. zaraye ke mutabiq Nicki Minaj ney Saudi arab mein khawateen aur hum jins parast afraad ke sath naarwa sulooq par ehtijaj ke tor par muzahira se inkar kiya.
American gulukarah ney Saudi arab mein apna concert nah karne ka elaan karte hue apne faislay ko khawateen aur hum jins parast afraad ke sath himayat qarar diya. khabar rasan idaray ke mutabiq Nicki Minaj ney Saudi arab mein concert mansookh karne ka faisla American samaji tantim ki janib se ki gayi guzarish ke baad kiya. American samaji tanzeem ki janib se guzashta haftay Nicki Minaj ke naam ek khula khat likh kar unse Saudi arab mein muzahira nah karne ka mutalba kiya gaya tha.
Samaji tanzeem ney apne khat mein Nicki Minaj par zor diya tha ke Saudi arab jaisay mulk mein khawateen aur hum jins parast afraad par dabao hota hai aur wahan sanfi tafreeq payi jati hai, is liye woh wahan muzahira nah karen. samaji tanzeem ki janib se khat likhe jany ke baad Nicki Minaj ney Jeddah mein apna music concert nah karne ka elaan karte hue kaha ke woh khawateen aur hum jins parast afraad ke sath hain. abhi yeh wazeh nahi hai ke is concert mein American DJ steve ok aur Bartanwi glokar pine muzahira karenge ya nahi. khayaal rahay ke Jeddah festival ka aaghaz 18 July se qabal hi hojayega.
Is music festival mein 6 saal ya is se zayed Umar ke mard wo khawateen ko anay ki ijazat hogi aur festival mein sharaab sameit har qisam ka nasha laane par pabandi hogi. sath hi festival mein shirkat karne wali khawateen ko Saudi arab ki riwayaat ke mutabiq parda karna hoga aur khayaal kiya ja raha hai ke festival mein khawateen ke liye alag jagah mukhtas ki jayegi. isi festival mein Nicki Minaj ke concert mein shaamil honay wali khawateen ko intizamia ney hidaayat di thi ke tamam khawateen American gulukarah ke muzahira ke douran abayah aur parday mein shareek hon.
khawateen ney festival intizamia ke is faislay ko tanqeed ka nishana banaya tha aur kaha tha ke jis festival mein ek khatoon gulukarah aryanit phelaaye aur woh fehash muzahira kere is festival mein shirkat karne wali khawateen ko parda karne ki hidaayat se Saudi arab ki hukoomat ka dohra miyaar ayaan hota hai. Nicki Minaj fehash muzahira, jinsiat ki janib Raghib karne wali shairi, bharkeelay aur intahi na munasib libaas pehan kar muzahira karne ki wajah se shohrat rakhti hain.
Unhon ney 2012 may Maroof grammy award ki taqreeb mein na munasib libaas pehan kar isaai mazhabi libaas pahannay walay mard raza karon ke sath ruqs kya tha jis per nicki minaj ko isaai baradri ney sakht tanqeed ka nishana banaya tha. Nicki Minaj ko Europe wo America mein bhi intahi na munasib libaas pehan kar raast muzahira ke douran aryanit phelanay par tanqeed ka nishana banaya jata raha hai. Nicki Minaj ney 2007 mein golokaari ki shuruvaat ki aur aaghaz se hi name uryaan aur fehash muzahira ki wajah se woh duniya bhar ke nojawanon mein maqbool hogyin. 36 sala gulukarah ab taq 300 se zayed ganoon par muzahira kar chuki hain aur unhon ney mutadid aalmi award haasil kiye hain. –YTN STAFF