Hyderabad: National Human Rights Commission ( NHRC ) ki fact finding team ne hafta ke ruz khatoon veterinary doctor ki ijtimai esmatdarri aur qatal ke charoun mulzimon ki jummay ko police ke zareya kiye gay encounter mein halakat ki tehqiqaat ka aaghaz kiya. Hyderabad mein land karne ke baad, Mazkoorah team seedhay Mehboob Nagar qasbay ki taraf rawana ho gayi, Jahan unhoun ne mulzimoun ki lashoun ka muaina kiya, Jo sarkari zeer-e-Enttezam hospital mein mehfooz hain.
Team ne laashoun par golioun ke nishaanoun ka jaiza liya aur postmorten karne walay forinsic mahireen se bhi baat ki. Hospital hakkaam ne jummay ke roz der gay kiye gay postmorten ki video zay bhi team ko deikhein. Human rights commission ( NHRC ) ki team ke tafteeshi ohdedaroun ne intizamia se deegar tafseelaat bhi jama kee.
Baad azan unhoun ne halaak hone walay charoun afraad ke ahal khanah ke bayanaat qalamband kar why. Uskay baad team Shadnagar shehar ke qareeb Chatanpally rawana hui, Jahan police ne firing ke mobayyana tabadlay mein mulzimoun ko goli maar kar halaak kar diya tha. Imkaan hai ke is waqeye mein mulawis police afsaraan ki tafseelaat jama hon
Jummay ke roz NHRC ne waqeye ka notice liya aur tehqiqaat ka hukum diya. Mazkorh team ka kehna hai ke ye encounter tashweesh ka baais hai aur is ke barey mein ahthiyat se tehqiqaat ki zaroorat hai. Is ne director general ( Investigation ) se mutalba kiya ke wo fouran fact-finding aur tafteesh ke liye ek team beje.
Police ne daawa kiya ke mulzimaan ne police ehalkaroun par hamla kiya aur un mein se 2 ne asleha bhi chean liya aur firing kar di, Jis ke baad police ne jawabi karwai karne par majboor ho gayi. Cyberabad police commissioner VC Sajjanar ne bataya ke jawabi karwai mein charoun ne dam todh diya. 2 police ahelkaar bhi zakhmi hue magar goli se nahi.
Mazkorh waqea jummay ke awail mein is waqt pesh aaya, Jab police ki team ne mulzimoun ko mutasirah ka mobile baziyaft karne aur iss waqea se mutaliq tafteesh karne ke liye laya tha. –YTN STAFF