Hyderabad: National Green Tribunal ( NGT ) Chennai ne Telangana Secretariat ke inhedam ke maamla ki samaat ki. Congress ke rukan parliament Revanth Reddy ne is maamla ki jaanch ki khwahish ki kyunkay ye maamla maholiyaat se jura huwa hai. Reyasti hukoomat aur markazi wizarat maholiyaat ko mudda aleh banaya gaya hai. Unhoun ne apni arzi mein ilzaam lagaya ke reyasti hukoomat maholiyati manzoori ke baghair Secretariat ki qadeem imaartoun ko munhadim kar rahi hai taham reyasti hukoomat ke wakeel ne kaha kay ye maamla pehlay hi High Court mein zairedawa hai. Is par rad-e-amal zahir karte hue NGT ney kaha kay wo high court mein maamla ki samaat ke baad dalail ki samaat kere ga. Is maamla ki agli samaat paiir tak ke liye multawi kar di gayi.