Hyderabad : Hyderabad ke rukn-e-Parliament Asaduddin Owaisi ne Sushma swaraj, KT rama rao, KCR se appeal ki hai ke hyderabadi shakhs Ahmed Iqbal jinhein NewZealand ki masajid mein dehshad gardana hamle ke douran goli lagnay se shadeed zakhmi hai, aur hospital mein zair-e-ilaaj hai unn ke bhai Iqbal Jahangir ko NewZealand jane ke liye zaruri intizamaa faraham kee jayen taa ke wo apni zaire nigrani apne bhai ka ilaaj kar wa sakay .
Mazeed ittilaaat ke mutabiq Iqbal Jahangir 12 saal se NewZealand mein muqeem hai aur woh wahan ek restaurant ka maalik hai jo hyderabadi pakwaan pesh karta hai, woh jumme ki namaz ada karne ke liye gaye the, aur Hamlawaroun ki golioun ka shikaar ho gaye, ittila ke mutabiq Iqbal Jahangir ki ek biwi aur do bache hain, ek ki Umar teen saal hai aur dusre ki paanch saal, Mohammad Khurshid Iqbal ke mutabiq Iqbal Jahangir 6 se 7 mah qabal apne ghar Hyderabad aaye the.
Usi terha Asaduddin Owaisi ney apne Tweet mein Hyderabad se talluq rakhnay walay ek aur shakhs Farhaz Ahsaan S/o Mohammad Saeed Uddin , saakin Nadeem colony Tolichowki, jo usi masjid mein namaz ada karne gaye the magar abhi tak unki koyi ittila nahi hai, se mutaliq Smt. Sushma Swaraj (Minster of External affairs) se appeal ki hai ke un ke afraad-e-khandan ko madad faraham ki jaye.