Auckland: Newzealand mein 25 din baad corona ke 2 naye mamlaat samnay aaye hain. Newzealand ke mehakma sehat ke hukkaam ke mutabiq coronavirus ke naye mutasireen haal hi mein Bartania se newzealand aaye they.
Khabar rasan idaray ke mutabiq mehakma sahet neh Ek bayan mein kaha hai ke yeh dono mamlaat ek dosray se munsalik hai. kaarobar aur insani hamdardi ke istashna ke alawa coronavirus ki waba par qaboo panay ke baad newzealand ki sarhadein sirf ques aur unke khandano ke liye khulay hain. newzealand anay walon ko apni aamad ke baad 2 haftay qarantina mein guzaarne honge.
corona se newzealand mein ab tak 22 afraad halaak hue hain. guzishta haftay newzealand nay elaan kiya tha mulk se coronavirus ko khatam kar diya hai aur waba ka aakhri mareez sehat yab ho gaya. is elaan ke baad newzealand mein samaji faaslay aur ijitmaat par se aaed pabandi ko khatam kiya gaya tha. Wazeer-e-azam Jacinda ardern nay kaha ke unhon nay mulk ko virus se pak nahi qarar diya tha kyunkay mustaqbil mein coronavirus ke mamlaat samnay aaskte hain. –YTN STAFF