Tokyo Olympics ke javelin throw event mein gold medal haasil kar ke Neeraj Chopra ne tareekh raqam kar di hai jis ke baad un par doulat aur inamaat ki barish horahee hai. Neeraj Chopra athletes mein hindostan ki taraf se medal haasil karne walay pehlay khilari ban gaye hain. Neeraj chopra ke yeh karnaama injaam dainay ke sath hi un par inamaat ki barish honay lagi hai.
Pani pat ke rehaishi Neeraj chopra ko hukoomat Haryana ne 6 crore rupay dainay ka elaan kya hai. neez Haryana hukoomat ne inhen awwal darja ki mulazmat bhi faraham karne ka wada kardiya hai. chief minister Haryana manhor laal ne Neeraj chopra ko mubarak bad paish karte hue kaha ke Neeraj chopra ne poooray mulk ka dil jeet liya hai. unhon ne kaha Neeraj chopra ne nah sirf medal jeeta hai balkay mulk ka dil bhi jeet liya hai. Mulk ko is lamha ka muddat se intzaar tha pooray.
Mulk ko un par fakhr hai. khayaal rahay ke hukoomat Haryana ki janib se olympics ke aaghaz se qabal hi elaan kar diya gaya tha ke Haryana ka jo bhi khilari olympics ka gold medal jeet kar aaye ga usay 6 crore rupay bator inaam faraham kiye jayen ge. Neeraj ko awwal darja ki mulazmat ke ilawa panch kol mein flat kharidne par bhi hukoomat riayat faraham kere gi. cheif minister Punjab captain amrindr singh ne bhi Neeraj ko Tokyo mein tareekhi kamyabi haasil karne ke liye mubarak bad paish ki hai.
Hukoomat Punjab ne elaan kya ke Neeraj ko 2 crore rupay se nawaza jaye ga. Tokyo mein kaha ke Neeraj chopra aap ne tareekh khayam ki hai aur mulk ko fakhr karne wala bana diya hai. board of control for cricket India ( BCCI ) ne bhi Neeraj chopra ki kamyabi ki tareef ki hai. bcco ne Neeraj chopra ko aik crore rupay bator inaam faraham karne ka elaan kya hai. IPL fracnh ,Chennai super king ne bhi Neeraj chopra ko mubarak bad paish karte hue aik crore rupay faraham karne ka elaan kya hai. jabkay anand mahindra signh ne kaha hai ke woh Neeraj chopra ko hindostan wapas lotney par aik suv 700 car tohfa mein den ge.