Mumbai : NCP ko badi raahat dete hue iske 4 la-pata arkaan-e-assembly ko Haryana ke Gurugram ke ek hotel se wapas laya gaya.
Peer ke roz party ke ohdedar ne yeh baat batayi. un chaar arkaan-e-assembly mein Narhari Zirwal (Dindori), Anil Patil (Amalner), Daulat Daroda (Shahapur) aurBabasaheb Patil (Ahmadpur), shamil hai.
Ohdedar ne bataya ke ”hamare NCP ke muqami rehnumao, Dhiraj Sharma aur Sonia Duhana ne kaha ke hamaray arkaan-e-assembly ko Haryana ke ek hotel mein rakha gaya tha. NCP ke qaumi tarjuman Nawab Malik ne bataya ke ”Muqana mein etemad ke vote se qabal inhen Mumbai wapas laya gaya.
Reyasti party ke rehnumao ka kehna hai ke ye abhi tak waze nahi hai ke charoun arkaan-e-assembly kis tarhan Haryana kis tarhan pohanche, inhen kon legaya aur kab legaya lekin party ki janib se un sab se sakhti se pooch tach ki jayegi.
Is ke sath hi, ab NCP ne daawa kiya hai ke usay kul 54 mein se 52 arkaan assembly ki himayat haasil hai, kyunkay party shivsena aur congress ke sath hukoomat bananay ke challenge se nipatnay ke liye tayyar hai. isse qabal aaj hi, teeno partiyon Governor B.S. Koshyari ko 160 dastakhatoun ke sath khat paish kiya. –YTN STAFF