New Delhi : Markazi hukoomat ki manzoori ke baad, National Conference ke rehnumao ki ek team ney srinagar mein party ke sadar Farooq Abudllah se mulaqaat ki. Farooq Abudllah se mulaqaat ke baad, National Conference ke rehnuma Omar Abudllah se bhi mulaqaat karenge.
Wazeh ho ke National Conference ke jammu rehnumao ke ek wafad ko apni party ke sadar Farooq Abudllah aur naib saddar Omar Abudllah se mulaqaat ki ijazat di gayi hai. un dono rehnumao ko tehweel mein rakha gaya hai. National Conference ke tarjuman ney apne bayan mein kaha jammu wo Kashmir hukoomat ney National Conference ke jammu rehnumao ke wafad ko party sadar Farooq Abudllah aur naib saddar Omar Abudllah se mulaqaat ki ijazat di hai, jinhein hirasat mein rakha gaya hai.
Bata dein ke dono sabiq wazraye aala ko Article 370 ki mansookhi se ek din qabal tehweel mein liya gaya tha. kayi dosray reyasti rehnumao ko bhi hirasat mein liya gaya. jis mein peoples democratic party ki sarbarah Mehbooba Mufti aur Jammu Kashmir peoples conference ke Chairman sajjad lone shaamil hai. –YTN STAFF