New Delhi: Congress ke sabiq sadar Rahul Gandhi ne Wazeer-e-Azam ke liye jahaaz karede jane ke hawala se Narendra Modi par shadeed tanqeed ki aur ek video shaya kar te hue fojion ke liye Non Bullet Proof gadiyaan aur apne ( Modi ) liye mehanga jahaaz kharidne ka ilzaam lagaya. Ladakh sarhad par China aur Hindustan ke mabain tanaza par Rahul Gandhi guzashta kayi mahino se Modi par mustaqil tanqeed kar rahay hain. Kerala ke Wayanadke rukan parliament Rahul Gandhi ne apne Twitter par ek video shaya kiya jis mein mobayyana tor par bataya gaya hai ke truck ke andar baithy kuch fouji aapas mein baat kar rahay hain.
Un mein se ek kaha raha hai ke inhen Non Bullet Proof gaadi mein bhaij kar hamari zindagion ke sath khelwad kiya ja raha hai. Rahul Gandhi ne video ke sath Tweet kiya hamaray fojion ko Non Bullet Froof trucks mein shaheed honay ke liye bheja ja raha hai aur hamaray Wazeer-e-Azam ke liye 8400 crore rupay ke hawai jahaaz! kya yeh insaaf hai? Rahul Gandhi ne jumaraat ko bhi jahaaz kharidne ke liye Wazeer-e-Azam par tanqeed ki thi aur kaha tha ke Wazeer-e-Azam ko sirf apni shabeeh ki fikar hai. Unhoun ne kaha tha ke Wazeer-e-Azam ne apne liye 8400 Crore ka tayyarah khareeda. Itnay mein Ladakh border par tainaat hamaray fouji jawanoo ke liye kitna kuch khareeda ja sakta tha.
Rahul Gandhi ne Modi ki janib se kharch kardah raqam ke bar aks fojion ke liye kuch saz-o-samaan ke adaad shumaar pesh kiye hain aur kaha hai ke is raqam se fojion ke liye garam libaas 3 lakh, Jackets dastanay: 60 lakh, jootay 67,20,000 oxygen cylinder 16,80,000 khareeday jasaktay thay lekin Modi ko sirf apni fikar hai halaank fouj sarhad par mulk ki hifazat mein jahan apni jaan ki bhi parwah nahi karte inhen aman ke halaat mein bhi sakht mausam ke challenges ka saamna rehta hai.