Visakhapatnam : Andhra Pradesh ke wazer-e-aala N Chandra Babu Naidu ne kaha ke wazeer-e-aazm Narendra Modi inteshaar paeda karne wali shakhsiyat hain, aur bad unwanoun aur mujrimoun ke chowkidaar hain. Modi par sakht hamla karte hue Telugu Desam Party ke sarbarah ne ilzaam lagaya ke unhoun ne mulk ko Bar baad kar diya hai .
Chandrababu Naidu , maghribi bangal ki wazeer-e-aala Mamta Benerjee aur Dehli ke wazeer-e-aala Arvind Kejriwal ke hamrah vishakhapatnam mein ek intikhabi jalsa ko mukhatib kar rahay they. unhon ne Narendra Modi ko’ ‘ matlabi shakhs’ ‘ aur manfi sonch wala leader kaha. aur passion goi ki ke log inhen ( Modi ko ) qubool nahi karen ge, aur inhen gujrat wapas bheij denge. woh keh rahay hain ke unka koi mutabadil nahi hai. magar kayi leader hain jinhoun ne un se behtar kaam kiya hai. magar yeh mulk ki bad qismati thi ke Modi mulk ke wazeer-e-aaazm bangaye .
Chandra Babu ne kaha ke Modi ke paas koi munsifana dimagh nahi tha aur woh dosaroun se hasad rakhtay they. unhon ne kaha ke BJP rehnuma ka koi Waqar nahi hai ar nah hi woh wizarat Uzma ke Laiq nahi hain . Naidu ne kaha ke Modi ne Dehli aur maghribi bangal jaisi riyastoun ke liye masail paeda kiya hai .- YTN STAFF