Monday, May 23, 2022
Home Slider Naqis form ka Ajinkya Rahane ko batting coach ki mukammil himayat

Naqis form ka Ajinkya Rahane ko batting coach ki mukammil himayat

London: Hindustan ke batting couch Vikram Rahod ne Ajinkya Rahane ki England ke khilaf rawaa series mein jaddo jahed ki himayat karte huwe kaha hai ke abhi waqt nahi aaya ke woh apni form ki fikar karein aur woh bhi ek mushkil marhale se guzar rahe hai aur umeed hai ke ainda match mein woh behatreen muzahira karein. Hindustani middle order batsman aur khas taur par neyeb captain Rahane behtar muzahira nahi kar rahe hai lekin rathod ne kaha ke pareshan hone ki koe wajeh nahi hain jab aap itne arse tak cricket khail rahe honge toh aap ko nasheeb o faraz ka saamna karna padeiga jaha aap ko runs nahi mileinge aur yahi waqt hai ba taur team hamein unki hosla afzayi karne ki zaroorat hain aur jitna hum kar sakte hain unki himayat kareinge.

Hum ne pujara ke saath bhi dekha unhe zyada mawaqe mile hain aur woh wapsi ki hai aur hamare liye bohut ehum inning kheili lehaza hum umeed kar rahe hai ke ajankaya wapis farum mein aajeiga aur woh ab bhi Hindustani team ki batting mein kirdar adaa kareinge mujhe nahi lagta ke hum is muqaam par pohunch gaye hain jaha use tashweesh ka bayis banna chahiye yeh pooche jaane par ke Kya rehane ko takneeki masail dar paish hai ya yeh zehni rukawat hai? Rathod ne kaha jab aap is tarha ki ek ehum series khail rahe hai aur jab aap aisi wickton mein khail rahe hai jo batting ke liye sazgar nahi hoti hai hum aisi nazm o zabt wali Bolling ke khilaf khail rahe hain.

Hareef team jo achi khail rahi hai batting unit ke taur par takneek aakhri cheez hai jis ke baare mein hamein sochna chahiye Rathod ne kaha ke head coach Ravi shastri ke covid 19 ke musbat test ke baad team 4th test ke chaute din mein maidan mein jaane se thodi pareshan thi BCCI ki medical team ne hafte ki sham head coach ke leader filo test ke musbat aane ke baad ehtiyati tadabeer ke taur par Ravi shastri Bolling coach bharut Arun fielding couch R sreedhar aur physiotherapy natin patel ko kharanteena mein bhej diya hain.. Rathod ne mazeed kaha hai yaqeenan hum unhe bade paimane par yaad kar rahe hai Ravi bhai B Arun aur R sreedhar woh is set-up ka ehum hissa rahe hai aur unho ne pichle 5 ya 6 saal mein intehai achi kar gardegi ka muzahira kiya aur team mein ehum kirdar adaa kiya.

Batting coach ne kaha ke Shastri ne hafte ko thodi takleef mehsoos ki jiske baad test kiya gaya. Ravi Shastri ki takleef ki shikayat ki lehaza medical team ne leader protest karne ka faisla kiya aur yeh natija musbat aaya unho ne mazeed kaha mere khayal mein khareebi rabton ki nishandahi ki gayi aur alag talag kiya gaya lehaza hum tibbi team ka intezar kareinge ke woh kab wapis shamil ho sakte hain