Andhra Pradesh ke Vizianagaram zilay ke Chinagudaba gaon mein ek 18 mah ki bachi namkeen Packet mein nikalny wala khilona nighalnay ke baad apni zindagi se haath dho baithi, Yeh waqea itwaar ki raat ko pesh aaya tha lekin police ne muqadma darj karne ke baad paiir ko yeh baat manzar aam par ayen.
Maqtool ki shanakht Mounika ke naam se hui hai. Mossola it-tila-aat ke mutabiq, Mounika ki walida Sandhyarani ne itwaar ki shaam namkeen ka ek Packet khareeda tha. Namkeen khatay hue, Ladki ko plastic ka ek chhota sa khilona mila. Bachay ne usay nighalnay ki koshish ki lekin khilona is ke galay mein phas gaya. Bachi ko fori tor par Hospital le jaya gaya, Lekin Dr usay bacha nah sakay.
Garugubilli Police Station ke sab inspector Y Simhachalam ne bataya ke yeh ek afsoosnaak waqea tha, Hum bachi ki mout ka ilzaam kisi par nahi daal satke kyunkay ke namkeen Packet ke andar anay wala plastic ka ek chhota sa khilona na free tha, Unhoun ne mazeed kaha ke CrPC ( Code of Criminal Procedure ) ki dafaa 174 ke tehat muqadma darj kiya gaya aur tafteesh jari hai.
Mutwaffi bachi ke lawahiqeen ne hukkaam se Appeal ki hai ke woh namkeen ke Packets ke andar aisay khilonay pack karna band karen taakay mustaqbil mein is terhan ke waqeat ko roka jasakay.