Hyderabad : Irani chai Hyderabadi tehzeeb ka ek hissa hai aur maheman nawazi ka ek lazi juz tasawwur kiya jata hai aur kuch log to chai ke itni aadi hotay hain ke inhen din bhar khane ke liye kuch na den woh bura nahi manenge lekin agar inhen waqfa waqfa se agar chai na di jaye to woh zaroor bura maan jatay hain.
Chai ke jahan kuch faiday hain to wahn is ke kuch nuqsanaat bhi hain. aksar log apni subah ka aaghaz ek cup chai ke sath karne ke aadi hotay hain jisay’ bed tea’ kaha jata hai. mahireen sahet ke mutabiq nahar mooo chai pena khud ko khatray mein dhakelnay ke mutradif hai .
Tezabiyat mein izafah
Nahar moo chai piinaa chahay woh sabz chai ( green tea ) hi kyun nah ho sehat ke liye khatarnaak hai. nashtay se pehlay jaye pi jaye to is se maiday ki tezabiyat badhti hai jo seenay mein jalan bad hazmi aur dakaar aaney ki wajohaat banti hai .
Jin logoun ko subah saweray chai peenay ki aadat hai inhen chahiye ke woh pehlay thos ghizain khaya karen .
Danoton ki kharabi
Nahar mooo chai peenay se mooo mein moujood’ bacteria ki tadaad badh jati hai jo danoton ki kharabi ka baais banti hai. is liye chai ko nashtay ke baad hi apni ghiza mein shaamil karna behtar faisla hoga, chai ko khaali pait peenay se jism mein pani ki kami hojati hai. aath ghantay ki neend ke baad hamaray jism ko pani ki zaroorat hoti hai kyunkay is douran jism ko pani muhayya nahi hopata chunancha –apne din ki shuruvaat pani ke sath hi karne ki aadat banayen .
Chakkar aur matli aana
Chai mein moujood’ caffeine’ ko nahar mooo apni khoraak ka hissa banaya jaye to is ke muzir asraat numaya honay lagtay hain jin mein qayi aur matli aana, chakkar aur sir bhaari rehna shaamil hain .
Pait phoolna
Chai ke shouqeen afraad ko aksar pait phoolnay ki shikayat hoti hai jis ki ahem wajah nahar mooo chai piinaa hai. chai mein shaamil doodh badhazmi paida karta hai jis se pait phoolna, qabz aur bad hazmi ki dushwariyan paida hoti hain .
Chai ko subah saweray peenay se jitna ijtinab kya jaye itna mufeed hai. mahireen sahet ka kehna hai ke chai ki jagah –apne din ka aaghaz neem garam pani aur nariyal pani se karna intahi sahet bakhash amal hai .