Friday, March 29, 2024
HomeSliderNagarjuna Sagar intikhabaat mein TRS kamyabi ke liye pruazm

Nagarjuna Sagar intikhabaat mein TRS kamyabi ke liye pruazm

Reyasti wazeer Talasani Sriniva Yadav ne congress ke senior rehnuma aur party ke umeed waar K.Jana Reddy ko mahswara diya ke woh Nagarjuna Sagar assembly halqa ke zaimni intikhab se dast bardari ikhtiyar karkay siyasat mein apne Waqat ki hifazat karen kyukay un ki shikast yakeeni hai. Nagarjuna Sagar assembly halqa ke haliya mein media conference se khitaab karte hue Srinivas Yadav ne kaha bator senior sayasatdan jana Reddy ko TRS umeed waar Nomula Bhagat (marhoom MLA Narsimha ke betay ) ki fatah ke liye apna namzadgi wapas lena chahiye. Is se siyasat mein Jana Reddy ke Waqar ka tahaffuz hoga.

Wazeer ne mazeed kaha ke Jana Reddy ko ek baar phir zimni intikhabaat mein TRS umeed waar ke hathon shikast ka saamna karna parre ga. Unhon ne halqe mein dehi ilaqon ki pasmandagi ke liye Jana Reddy ko zimma daar thehraya. Unhon ne nishandahi ki ke Jana reddy ko ilaqay se saat martaba ke liye qanoon saaz assembly ke liye muntakhib kiya gaya tha. Apni intikhabi muhim par apne tbsron ke sath jana reddy ne zimni intikhabaat mein bil wasita apni shikast qubool karli.

ALSO READ:-Siyasi qaideen ki rallyio mein corona usool yaksar nazar andaaz

Yeh yaad dilatey hue ke Nagarjuna sagar assembly halqa mein Jana reddy ke MLA ke daur mein koi taraqqi nahi hui, unhon ne kaha ke congress ke senior leader ne pichli martaba awam ko gumraah karkay vote haasil kiye. Unhon ne mazeed kaha ke ab Nagarjuna Sagar assembly halqa ke awam ek aisay rehnuma ki talaash mein hain jo is ilaqay ki taraqqi kere. Unhon ne assembly halqa mein TRS umeed waar ki intikhabi muhim ke zabardast rad-e-amal ki yaad dilatey hue kaha bhagt ek nojawan rehnuma aur taleem yafta shakhs hain aur woh apne waalid ke naqsh qadam par nagarjuna sagar assembly halqe ki taraqqi ke liye apni khidmaat jari rakhen ge.