Makkah Mukrama ki Police ney bataya hai ke Hajj ke liye aeye ek shakhs ney zaireen ke hujoom se faida uthatay hue chhalang laga kar Baab e Kaaba par chadh dauda, taham Police ney usay wahan se utaar liya aur us ke khilaaf zurori qanooni karwai shuru kar di gayi hai. Police ka kehna hai ke Baab e Kaaba par chadhne wala shakhs nafsyaati mareez hai. Us ke Baab e Kaaba par chhalang laganay ke waqeye ki video ke barey mein baat karte hue Police ney kaha ke sehan Mutaaf mein zaireen ke ghayr-maa’mooli hujoom ke baais raat baara bujey 1 shakhs ney Mutaaf ki mamnooa hudood se agay badh kar Baab e Kaaba par chhalang lagai. Taham mauqa par mojood Security Ahelkaron ney usay neechay utaar liya. Police se baat karte hue is shakhs ney baab kaaba par chhalang laganay par moazrat ki aur kaha ke woh nafsyaati awariz ka shikaar hai.