Muzaffarnagar: Congress ki general secretary Priyanka Gandhi Vadra jo Uttar Pradesh mein hain, Unhoun ne hafta ke roz Muzaffarnagar mein Shia Aalam Deen Maulana Asad Raza Hussaini se mulaqaat ki, Jinhein CAA ke khilaaf muzahiroun ke douran karwai ke douran police ne mobayyana tor par badi be dardi se petta tha.
Priyanka Gandhi ke Uttar Pradesh ke doray ke douran un ke hamrah Saharanpur ke party rehnuma Imran Masood bhi they. Priyanka Meerut mein tashadud se mutasirah afraad ke ahal khanah se bhi milein gi aur police firing se zakhmi honay walay afraad se bhi mileingi.
Priyanka Gandhi ka Uttar Pradesh ka ye dosra dora hai jis mein unhoun ne apne bhai aur congress ke sabiq sadar Rahul Gandhi ke sath un maqamat ka dora kar rahi hain. Priyanka ne decemeber mein Muzaffarnagar ke rehne walay Noor Mohammad, Jo shehriat tarmeemi qanoon ( CAA ) ke khilaaf ehtijaj ke douran halaak hogaya tha, Ke kunba aur is ke deegar rishta daaroun se mulaqaat ki.
Priyanka Gandhi ne Ruqqia Parveen nami ek ladki se bhi mulaqaat ki jis ki shadi honay wali hai. Ruqqia ke ahal khanah ka ilzaam hai ke police un ke ghar mein ghus kar bohat sara samaan legayi. Mutasirah afraad ke ahal kana se mulaqaat ke baad, Priyanka ne kaha mai ne yahan CAA ki mukhalifat mein ehtijaj ke douran zakhmi hue Maulana Asad Raza Hussaini se mulaqaat ki, Jinhein police ne bi rehmi se petta tha. Police ne nabaligoun sameit madrasay ke talba ko baghair kisi wajah ke tehweel mein le liya aur un mein se kuch ko reha kar diya aur kuch abhi police ki tehweel mein hain
Wazeh huke 20 decemeber ko Uttar Pradesh ke kayi shehroun mein shehriat tarmeemi qanoon ( CAA ) ke khilaaf ehtijaj kiya gaya tha. Un ehtajaji muzahiroun ne par tashadud shakal ikhtiyar karli. Is douran riyasat mein 21 afraad halaak hue. Police ehalkaroun sameit sekadaoun muzahireen zakhmi hue. Croredoun rupiye maliyat ki awaami amlaak ko nuqsaan pouncha. Muzaffarnagar ka Noor Mohammad bhi is par tashadud muzahiray mein mara gaye. Priyanka Gandhi sirf Noor Mohammad ke ahal khanah aur deegar mutasireen se milnay ke liye hi wahan pohanchi then.
Ahem baat ye hai ke mirth mein bhi par tashadud muzahiroun mein 6 afrad halaak hogaye. 24 decemeber ko Rahul Gandhi aur Priyanka Gandhi halaak honay waloun ke ahal khanah se milnay Meerut ja rahay they. Lekin police ne inhen Pataipur ke qareeb hi rok diya. Police ke roknay ke baad wo Delhi wapas hogaye they. Bataya jaraha hai ke Muzaffarnagar ke bad Priyanka hafta ko Meerut jayengi aur wahan halaak honay waloun ke lawahiqeen se mileingi. –YTN STAFF