MuzaffarNagar: Asiay waqt mein jabkay Ayodhya muamlay par Supreme Court ke faislay ke baad jahan musalmanoon mein mayoosi dekhi ja rahi hai, aur Supreme Court ke ek tarfa faislay se mulk ke Secular awam ko kaafi dukh huwa hai. aisay mein MuzaffarNagar mein firqa waranah hum ahangi ki anokhi misaal dekhnay mein aayi hai. jis mein ek Sikh shakhs ne zameen ka ek Plat Masjid ke liye day diya. dar asal Guru Nanak dio ke 550 win yom-e-paidaiesh ke mauqa par ek Sikh Shakhs Sukhpal Singh Bedi ne zila MuzaffarNagar ki ”Purkazi“ ki ek Masjid ke liye zameen ka ek Plat atiyah diya hai.
70 sala Sukhpal Singh Bedi, ek samaji karkun hain. unhoun ne 900 murabba fit ke Plot ki dastawizaat nagar panchayat sadar Zahir Farooqi ko saump diya. is talluq se Sukhpal Singh Bedi ne kaha ke wo Guru Nanak ki talemaat ko malhooz khatir rakhtay hue aman aur firqa waranah hum ahangi ka pegham phelana chahtay hain.
Dono baradrioun ke logoun ne bhai chaaray ko farogh dainay ke liye uthaye gay is iqdaam ka kher muqaddam kiya hai. wazeh ho ke zila MuzaffarNagar ke ”Purkazi“ qasba mein Muslim aksirat mein hain. –YTN STAFF