Hyderabad: GHMC ki janib se CCB ke sabiq naib sadar aur BJP rehnuma Rama krishna ko unki imarat ki ghair qanooni taamer ke liye show case notice jari karne ke chand hi din baad zair-e-behas imarat ko ab BJP ke daftar mein tabdeel kardiya gaya hai.
Yeh imarat east Maredpally mein waqay hai aur kayi saal se khaali thi taham GHMC ki karwai ko ” badniyati par mabni fal ke siwa kuch nahi ” tha jab is ka notice ko ek sakht aur mouzoon jawab bheja gaya tha.
Unhon ne mazeed kaha ke mere jawab mein mein ne ek GO order ka hawala diya hai jis mein kaha gaya hai ke koi bhi imarat jo 1985 se pehlay taamer hui thi aur jis ka raqba 100 murabba gaz se kam hai is ko izafi tameerat ke ijazat ki zaroorat nahi hai. Meri jaedad 40 sala qadeem imarat hai aur is waqt ke coroporator Radha venkat rao ne is ki taamer ki thi lehaza GHMC ka notice mukammal tour per ghair tasdeeq shuda hai. Mein ne GHMC ke ohdedaron ko mutnabba kiya hai ke agar woh ab bhi mujhe ghair zaruri notice bhaij kar is tarhan ki dhamki dainay ki koshish karte rahen ge to mein unke khilaaf qanooni karwai shuru karoonga.
Krishan ne mazeed kaha ke woh GHMC ke dhamkion ke samnay sar nahi jhukanay jarahay hain aur yeh notice TRS hukoomat ke zareya unke khilaaf siyasi intiqam ka ek hissa hai. Mein BJP party ke daftar ke tor par is jagah ko fa-aal tour par istemaal karne ja raha hon. Mein ne banners lagaye hain aur both jald az jald ise bazabta tour per khol diya jayega. Darein asna TRS party ke deegar kaarkunon aur secunderabad cantonment board ke rahaishion ne raam krishna par apne ikhtiyarat ke najaaiz istemaal ka ilzaam aaed kiya hai..