London: Ek musalman ko Party ka umeed waar bananay ke liye mazhab ki bunyaad par parkhnay ka rawayya dekh kar Tori ohdedar ne istifa dediya, kyle Pedley ne Stourbride may Local Party Officer aur Tori umeed waar ke ohdoun se istifa dediya hai. unhoun ne kaha hai ke may ne apni aankhoun se dekha ke ek musalman ko ibadat karne ki bina par aziat pohanchai gayi, arkaan may Islamophobia ki mojoodgi ke baais mein ne Party se istifa diya. kyle ne kaha ke may is Interview may mojood tha jis may Tori council ke umeed waar se sawalaat kiye gaye ke aap din may kitni martaba Namaz padhte hain, Masjid may kitni martaba jatay hain. is ke baad Torioun ne aapas may guftagu ki ke kya hamein kisi asiayi bashinday ko lena chahiye ya nahi.
Kyle Pedley ne kaha ke is ne Conservative Party ko kayi martaba is waqea ki shikayat ki lekin kuch nahi huwa. Boris Johnson ne naqaab wali aurat ko letter box se tashbeeh di thi, jis ki tehqiqaat ka mutalba apni jagah mojood hai, ek dafaa ek Interview may mein khud shaamil tha jis may mazhab se mutaliq sawalaat kiye gaye. Muslim Council of Britain ke General Secretary Harun Khan ne kaha hai ke Musalman umeed waar se mazhab se mutaliq sawalaat ki bochhaad ki gayi jo ke na qabil qubool hai, Local Party ko foran moattal kar ke tahaqeeq ki jaye. – YTN STAFF