London: Maghribi duniya mein musalmanoon ko dehshat gard aur insaaniyat ke liye khatray ke tor par pesh kiya jata hai lekin mutadid martaba aisay waqeat runuma hotay hain jahan musalman apni jaan par khail kar logoun ki zindaganian bachatey hain aur ab ek aisa hi waqea runuma huwa jahan ek musalman ne aag mein ghus kar nanhay bachay ki jaan bachaai hai.
Tafseelaat ke mutabiq Bartania mein samaan ki tarseel karne wala shehri ghar mein aag lagnay ke baad nanhay bachay ko bacha kar Hero ban gaya. Bartania khabar rasan idaray daily mil ke mutabiq samaan tarseel karne walay shehri jis ki Umar 26 saal aur naam Habil Khan hai ne 7 mah ke sher khawar bachay ko bacha kar aala misaal qaim kar di
Habil Khan apni duty ki faraiz injaam dahi ke douran gharo tak samaan pouncha raha tha isi douran is ne dekha ke ek ghar mein aag lagi hui hai aur ghar se dhuwan araha tha. jis ghar mein aag lagi thi is ghar ki khatoon apne 2 bachoun ke sath onche aawaz mein sadayen laga rahi thi ke mera bacha ghar mein hai koi is ko bachaaye. Habil Khan isi waqt ne daud lagai aur khatoon ke sath ghar mein daakhil hogaya aur sher khawar bachay ko bachakar is ki maa ke hawalay kar diya.
Daily Mail ke mutabiq bachay ko is ki maa ke hawalay karne ke baad 26 sala Habil Khan fire Fighters aur Peramedics amlah sameit deegar afraad ke ane tak wahan ruka raha. is ke baad samaan tarseel karne walay nojawan ne apna kaam nimtaya.
Bartania khabar rasan idaray se baat karte hue nojawan ne kaha ke agar mein dayanatdari se batao to mere nazdeek ye koi Hero wala kaam nahi tha, mein Allah ka shukar ada karna chahta hon bachay sameit sab theek hain aur khatoon deegar afraad ke sath apne ghar chali gayi. is juttarmandana iqdaam uthane par 26 sala Habil Khan ko deegar sathiyon ne Coligue of the year at the Banksada awards 2019 usay nawaza gaya. –YTN STAFF