Friday, August 19, 2022
Home India Musalmano ko BJP khareeb jaaker apni awaaz buland karni chahiye: Doctor Ayesha...

Musalmano ko BJP khareeb jaaker apni awaaz buland karni chahiye: Doctor Ayesha naaz mehdi

New Delhi: Bhartiya Janta party (BJP) mein aane ka mera maqsad musalmano ke huqooq ke liye ladna falah o behbood ki karna aur har sateh par unki awaaz ko hukoomat tak pabunchana hai. Yeh baat haal hi mein BJP aqliyati morche ki majlis aamila ki rukun muntaqab hone wali Doctor Ayesha naaz mehdi ne kahi hain.

Unho ne BJP aqliyati morche ki majlis aamila ki rukun muntaqab hone par khushi ka izhar karte huwe party qiyadat ka shukriya adaa kiya aur kaha ke mai sirf apni qaum ki khidmat karna chahti hoon…unhe faida pohunchana chahti hoon aur musalmano ki awaz banna chahti hoon taake unke dukh aur takleef hukoomat tak pahunche aur unki takleef door ho.

Dubai mein muqeem BJP aur overseas (muttehida Arab imaarat kuwait Qatar aur Oman)ki co- ordinator Ayesha ne kaha ke mera maqsad jahan musalmano ko BJP ke khareeb le jaana wahi BJP ko bhi musalmano ke masayil se agaah karna hai…unho ne kaha ke main 2013 mein city leader aur khangi haisiyat se shamil kiya tha aur BJP aqliyati maurche ki state traser bhi rahi is dauran hum ne mumkina taur par musalmano ke masayil party ke saamne utaye..unho ne kaha ke majlis aamila ki rukun ki haisiyat se party mein musalmano ki hisse dari aur unke huqooq ke liye baat karungi.

Unho ne kaha ke Dubai mein muqeem rehte huwe yaha phase huwe 350 mulazimeen ko hukoomat se baat kar ke watan tak pahunchane ka intezam kiya.. lockdown ke dauran mazduron ko khana faraham kiya iske alawa overseas worker ke masail ko hal karwane mein apna ahem kirdar adaa kiya hai aage bhi yeh koshish jaari raheigi…saath hi unho ne kaha ke musalmano ko BJP khareeb jaaker apni awaaz buland karni chahiye.