New Delhi: Congress ke Senior rehnuma o Madhya Pradesh ke sabiq wazeer e aala Digvijaya singh ney Bharatiya Janata Party aur Bajrang Dal par ilzam lagaya hai ke BJP ney Pakistan ki ja Jasoos agency Inter-Services Intelligence (ISI) se raqam wusool ki hai. Unhon ney kaha ke Bajrang Dal aur Bharatiya Janata Party, ISI se raqam le rahi hain. Unhon ney kaha ke musalman se ziyada ghair muslim Pakistan ki ISI ki jasoosi kar rahay hain. is ko samjhna chahiye.
ishwa Hindu Parishad
Digvijaya Singh ney kaha ke hukoomat maan rahi hai ke Mulk ki muashi sorat e haal kharab horahee hai, lekin wazeer e aazm Narendra Modi Fit India ki fikar kar rahay hain.
Madhyra Pradesh mein BJP guzashta charshambe ke roz se oppostion ki zad mein hai, jab Pakistan mein muqeem ISI ke kaarkunon ke zair ehtemam dehshatgardi se mutaliq maali aanat ke aik reacket mein zila Satna mein 5 afraad ko girftar kiya gaya tha. Girftar honay walon mein aik Bajran Dal ka karkun bhi hai jis ka naam Balram Singh hai.
Do saal qabal Bharatiya Janata Yuva Morcha (BJYM) ke rehnuma Dhuru Sexena ko Satna mein jasoosi aur dehshatgardi ki maali eaanat ke aik aisay hi muamlay mein girftar kya gaya tha, baad mein mulzim ko zamanat mil gayi. Balram Singh bhi is giroh ka aik hissa tha.
Digvijaya Singh ke bayan ke baad’ indian special force’ ke sabiq membar, Major Surindera Poniya, jinhon ney haal hi mein BJP mein shamoliat akhtyarki hai, ney Digvijaya Singh se poocha ”kya aap is baat ka saboot share karen ge ke BJP ney ISI se raqam liya hai. ..? aur kaha ke aap jaisay firqa parast qaideen hindostan ki Tehzib ke liye sab se bada khatrah hain.