Rampur: Samaaj waadi party ke rukan parliament Azam Khan ne kaha hai ke, Musalman baday ”Muhabbe Watan“ Hain, Kyun kay un ke paas ye ikhtiyar mojood tha ke, Wo 1947 mein taqseem hind ke Dauran ya to Pakistan chalay jayen ya hindustan mein rahen, Aur unhoun ne hindustan mein rehne ko tarjeeh di. Azam Khan ne shehriat tarmeemi bill manzoor honay ke baad media numaindoun se baat karte hue ye baat kahi.
Unhoun ne kaha ke ”Jo loog yahan wapas aeye hain, Wo dosaroun ke muqablay mein baday Muhibb-e- Watan hai. Agar ye hub-ul-watni ki saza hai to mein ke sakta hon ke jamhoriat mein sirf sar gennay jatay hain, Dimagh nahi“.
Shehriat tarmeemi bill se mutaliq Azam Khan ne kaha ”Bill ki manzoori ka faisla adadi bartri par mabni tha. Aur parliament mein oppostion arkaan ki tadaad bohat kam thi. Is liye bil par behas ke douran hukoomat ki taraf se oppostion ki baat nahi suni gayi aur un ki taraf tavajja nahi di gayi.-YTN STAFF