Hyderabad: Hyderabad mein Musa nadi par puloun ki taamer aur link roads ka dosra marhala mukammal karne samait baldia ke kaam mein taizi deekhaee derahi hai. Darin asna chief secretary somesh kumar ne ohdedaron ko Musa nadi ke paar mazeed pull taamer karne ki hidaayat di hai jis se ghunjaan aabadi walay ilaqoun mein Traffic ke bahao mein aasani hogi aur aas paas ke ilaqoun ki taraqqi par bhi misbet asraat muratab honge.
chief secretary Somesh kumar ki sadarat mein Hyderabad road development corporation ltd ( HRDCL ) ke board of directorate ke 12th ijlaas mein mansoobah banaya gaya ke municipality ke mazeed kamoun ko ruba amal laya jayega jiske liye ahem faislay bhi kiye gaye hain. chief secretary ne na-mukammal links project ki peshraft ka jaiza letay hue kaha ke pehlay marhalay mein HRDCL ne 37 na-mukammal rawabit se mutaliq kaam shuru kardiye hain jinki laagat se 313.65 crore hain jin mein se 23 rawabit takmeel ke qareeb hain jabkay yeh kaam dosray marhalay ke tehat tajweez kiya gaya hai.
Somesh kumar ne namukammal link road mansoobon ko mukammal karne par HRDCL ke ohdedaron ki bhi tareef ki jis ne hyderabad ke mutadid ilaqon mein traffic ko kaafi had tak aasaan kardiya hai. Road development mansuboun ki tayari jari hai aur aglay 2 saloun tak yeh mukammal hojayegi. Arvind Kumar principal secretary, aur mukhtalif mehakmon ke deegar sarbrahan samait senior ohdedar is ijlaas mein mojood thay.