Hyderabad: Murghi ke gosht ke tukde par ladna insaan ki mout ka sabab ban gaya hai. Chicken ke tangon ke tukde kis ke paas hunge iski ladai ke nateejay mein radhapur ke qareeb haal hi mein eent Bhatti unit mein Odisha ke ek tarkin watan mazdoor ki mout hogayi.
yeh waqea 9 decemeber ko paish aaya tha lekin is qatal ke silsilay mein 6 afraad ki giraftari ke sath hi ab yeh waqea samnay aaya hai.
Police ne waqea ki tafseelaat batatay hue kaha ke Odisha ke se talluq rakhnay walay 4 mazdooron 4 mahinay pehlay Raghapur ke qareeb MSB chouth ke Bhatti unit mein kaam karne ke liye yahan aaye thay.
Jaisa ke unke mamool ke mutabiq, mazdooron ne 9 decemeber ko Peddapally market se sabzian aur murghi kharidi. sharaab ke zair-e-assar, joda bheemsar ne dish mein tangon ke tukdon par doosron ke sath behas ki.
Joda bhemsar se tang aachuka tha jo bazahir aksar ladai jhagda karta tha. Basu jora aur pooja langiya ne bolder se is ka sir phod diya. Joda sir ke shadeed choton se be hosh hogaya. deegar teen kaarkunon ne ghabrate hue chhoout ke Bhatti unit ke malkaan esrapura srawan aur malesh ko waqea se aagah kiya. woh zakhmi joda ko muqami RMP dr ke paas le gaye lekin iski haalat sangeen horahee thi jiske baad usay peddapally ke khangi dawakhana muntaqil kardiya.
Taham bay Joda bhemsar ne ilaaj ke liye kareem nagar dawakhana jatay hue rasta mein aakhri saans liya.
Chhoout ke Bhatti ke malkaan laash wapas laane ke bajaye mutasirah shakhs ki aakhri rasomaat kareem nagar ke ek qabristan mein ne ada kee. unhon ne jaali death certificate haasil karne mein bhi kamyabi haasil ki jis mein kaha gaya tha ke unit mein waqay ghaar mein haadsa se joda ki mout hogayi.
Ek aur chhoout ke Bhatti maalik ambati satish ne jaali mout ka certificate haasil karne mein un ki madad ki. taham yeh waqea is ilaqay mein viral hua tha aur raghavpur panchayat secretary gautam ne basant nagar police mein shikayat darj karwai thi. Pedapally DCP ravinder ne kaha ke shikayat ki bunyaad par unhon ne tafteesh shuru ki aur muqadma darj karliya. basu joda , pooja langyar,srawan, mahesh aur satish ko hirasat mein lekar remand haasil kiya gaya hai.