Nagaland : Hindustani riyasat Nagaland mein muqaabla husn mein hissa lene wali ne haseena ne apne hazir jawabi aur be-baki se shurka ka dil jeet liya. tafseelaat ke mutabiq, hindustan ki shumal mashriqi riyasat nagaland ke dar-ul-hukoomat kohima mein miss kohima 2019 ka muqaabla jari tha, is douran sawal wo jawab ke marhalay mein haseena ne apni haazir jawabi aur be-baki se sab ko haeran kardiya.
Muqaabla ke douran’ Vikuonuo Sachu Nami ne haseena se jab judge ne poocha ke ”agar aap ki, wazeer-e-aazam Narendra modi se mulaqaat hui to aap inhen kiya kahingi.? is sawal par is haseena ne fori kaha ke mai un se kahoongi ke, woh gaaye ke bajaye khawateen ke masail par tavajja den.
Vikuonuo Sachu ke jawab par is mauqa par hall mein qehqahey gunjney lagey aur wahan mojood logon ne bharpoor andaaz mein taliyan baja kar iski is tabat ki sarahana ki. mazkorah haseena muqaabla husn to na jeet saken, lekin apni haazir jawabi aur be-baak andaaz se crores afraad ke dil jeet liya. is waqeye ki video social media par khoob viral ho rahi hai. aur social media sarfeen is be-baak haseena ki khoob tareef kar rahay hain.
Sab jantay hain ke hindustan mein moodi ki hukoomat anay ke baad se aqliyatoun. khaas kar musalmanoun par zindagi tang kardi gayi hai aur gaye raksha ke naam par kayi musalmanoun ko sir-e-aam qatal kiya ja chuka hai. ab tak kayi musalmanoun ki hujumi tashadud ( Mob lynching) ke zareya jaanen li gayi hain.
Un waqeat ke khilaaf aawaz uthane wali hindustani Maroof shaksiaat ko bhi intahaa pasand unki janib se dhamkiyan di ja rahi hain, sath hi un shaksiaat ke khilaaf muqadmaat bhi darj kiye gaye hain. rawan mah ke aagaz par riyasat bhar ke zila muzaffarpoor mein 50 afraad ke khilaaf muqadma darj kiya gaya tha, jis mein bollywood ke alawa deegar shobo se taluq rakhnay wali shaksiaat shaamil theen. unhon ne wazeer-e-aazam modi ko khat likh kar mulk mein intahaa pasandon ke hathon musalmanoun ke qatal-e-aam ke waqeat ki rok thaam ke liye iqdamaat karne ka mutalba kiya tha.
Nagaland ki mazkoorah haseena ne isi tanazur mein muqaabla husn ke douran sawal ka jawab dete hue bilaa khauf wo khatar mulk mein gaaye ke maslay par baat karne ke bajaye khawateen ke masail hal karne ki baat ki. aur is ahem mudday ki taraf ishara kiya, jo qabil-e-tareef hai. is haseena ne ye baat keh kar mulk mein gaye raksha aur gao kashi ke ahem masla ki taraf ishara kiya hai sath hi is ne khawateen ke sath ho rahi zayad-ti ki bhi nishandahi ki hai. –YTN STAFF