Hyderabad: Deccan ke mumtaz Mazahiya Shayar Gali Nalgondawi ki yaad mein haft-e-waar turkish hind ke zair-e-ehtemaam 30 March baroze hafta 8 bajey shab Urdu Ghar Moghalpura mein adbi ijlaas aur Mazahiya mushaira munaqqid hoga. adbi ijlaas ka ba-unwan Decanni adab gali Nalgondawi ki shairi hai aur uski sadarat janab Syed Ali Haider Rizvi musheer Aala Free Press Editors and journalists federation karenge .
Mehmanan-e-khusoosi ki haisiyat se Dr Saleem saddar shoba urdu Shadan college, Habib Uddin Qadri editor mahnamah Telangana aur Mohammad Riaz Ahmed saddar hyderabad union of journalists shirkat karenge. Dr Jahangir ehsas Lecturer urdu chanchalguda degree college nizamat ke faraiz injaam denge. adbi ijlaas ke baad Mazahiya mushaira syed Shah noor Al Haq qadri advocate sabiq Sadar nasheen urdu academy ki sadarat mein munaqqid hoga .
Maheman-e-shayar Hamid Saleem ( Bidar) ke alawa shehar ke mumtaz mazahiya shuara Shahid adili dr Moeen Amar Bumboo, Fareed Sehar, Sardar Asr, Wahid Pasha qadri, Narindar Raye, Lateef Uddin Lateef, Shabir Khan Smart aur Akbar Ali Khan Ahsen kalaam sunayeen ge. Munawar Ali mukhtasir naazim mushaira honge. is mauqa par SSK Hussaini Iqbal editor Deccan samachar ko Tahiniat paish ki jaye gi. Conveners musaraz Abdul Hamed Mannan aur Mohammad fazal Ahmed ke alawa free press editor and journalists federation ke ohdedar aur arakeen Mohammad taher romani, syed Jaffer Hussain , Mohammed asif Ali , sahib zadah mubarak Allah barkat, -Masood Mohi uddin Khan , syed Abdul Aziz , aur Fayaz Ahmed Khan ney shirkat ki guzarish ki hai