Mumbai: New Delhi mein Shaheen Bagh ke muzahiroun se mutasir hokar, Khawateen ke ek baday Group ne peer ke awail mein janoobi Mumbai mein 26 January ki aadhi raat ko isi tarj ke ehtijaj ka aaghaz kiya hai. Usay ” Bagh Mumbai Bagh“ qarar dete hue, Khamoshi se CAA, NRC aur NPR ke khilaaf ehtijaj kar rahay hain aur subah tak majmaa jama hogaya, Tab Mumbai police ne Morland road Jhoola Maidan ke maqam par Security ke sakht intizamaa kiye.
Muzahireen mein bunyadi tor par Madanpur, Byculla, Agripada, Jhoola Maidan aur aas paas ke aqliati akseriti ilaaqoun ki musalman khawateen hai, Jo Mumbai Central station ke qareeb Arab hotel se daur ehtijaj kar rahay hain. Center police Inspector Shaleni Sharma ne media numaindoun se guftagu karte hue kaha ke muzahireen se peshgi ajalat lainay ko kaha gaya tha Unhoun ne jaye wuqoo se muntaqil honay se inkaar kar diya aur sadak par qabza kiya.
Muzahireen ne NDA hukoomat ke khilaaf naaray lagaye. CAA, NRC. NPR ki mukhalifat mein Placard aur poster, Thaamay hue, Muhib watan ke geet gatay hue ehtijaj kiya. Muzahireen ne ye pegham diya ke wo logoun ko ba qaida update faraham karen aur un ke Twitter handle Ekun Mumbai againts CAA mein shaamil ho jayen.
Is ke ilawa, Zila thaana se mut-tasil kalyaan shehar mein karknoun ne yakam feb se Baba Ambekar garden mein 5 roza Shaheen Bagh ki noiyat ki tehreek chalanay ka elaan kiya hai. –YTN STAFF