Mumbai ka Engineer Hamid Ansari, Pakistani jail se kab rihaa hoga?

Pakistani jail mein 6 saal se qaid Bharati Engineer qaid ki muddat jald poori honay par watan lout jaye ga. Pakistani adalat ne is ki jald rihayi ki tasdeeq kar di. Hamid  Ansari nami Software Engineer ghair qanooni tareeqa se Pakistan mein November 2012 mein daakhil huwa tha, is ne do din Khyber Pakhtunkhwa mein apne aik dost ke paas rehayish ikhtiyar ki thi jis ke baad woh aik hotel muntaqil ho gaya. Intelligence ko khabar hone par usay hotel se hirasat mein le liya gaya tha. 15^th December 2015 ko jasoosi ke ilzaam mein usay fouji adalat ki janib se teen saal qaid ki saza sunai gayi thi. Hamid  Ansari ne tafteesh ke douran is baat ka aitraaf kiya hai ke woh ghair qanooni tor par Afghanistan se Torkham ke rastay Pakistan mein daakhil huwa. Hamid ki walida ka daawa hai ke un ke betay ki internet par aik Pakistani khatoon se bhi dosti hogayi thi jis se milnay ke liye Hamid Nihaal Pakistan gaya tha. Douran qaid Hamid Nihaal  Ansari ke wakeel qaazi Mohammad Anwar advocate ne Peshawar High Court ke aik bench ko bataya tha ke un ke Bharati maukkil par teen martaba jail ke andar hamla kiya gaya hai. Unhon ne adalat se yeh bhi kaha tha ke un maukkil ko is jagah rakha gaya hai jahan szaye mout panay walay qaidyoun ko rakha jata hai. Hamid ki walida ki taraf se Supreme Court ki insani huqooq ki cell mein aik darkhwast dayer ki gayi thi jis mein un ke betay ki baazyabi ki istedua ki gayi thi. Unhon ne umeed zahir ki hai ke December mein is ki qaid ki muddt poori honay ke baad usay jald reha kar diya jaye ga, unhon neh betay ki jald rihayi ke liye Imran Khan ko bhi khat likh kar darkhwast ki hai .
Varsuwa Mumbai se talluq rakhnay wali Hamid  Ansari ki walida Fouzia ko umeed hai ke un ka beta December mein joon hi qaid ki muddat poori hojaye gi woh wapas apne Mulk aajay ga. Fouzia ne jumaraat ko sabiq MLA Mr. Krishna Hegde se mulaqaat karte hue un se darkhwast ki ke woh Hindustani Cricketers Sunil Gawaskr aur Kapil Dev se khwahish karen ke Imran Khan ki taqreeb halaf bardari mein shirkat ke mauqa par woh Pakistani Wazeer e Azam se  Ansari ki aajilana rihayi ke baarey mein baat karen. Fouzia jo haal hi mein Andheri ke aik maroof college se professor ki haisiyat se retire hui hain, apne betay ki aajilana rihayi ke liye wazeer kharja mohtaram sshma soraj se mulaqaat karne Dehli gayi hui theen jahan woh aik haadsa ka shikaar hogayi theen jis ki wajah se un ki mltipl surgery hui hai. haqooq insani ke jahedkaar Jatin Desai ne bataya ke Pakistani adalat neh  Ansari ki aajilana rihayi ki darkhwast ko is liye mustard kardiya ke Pakistani hukoomat ne qaid ki saza mukammal hotay hi inhen Hindustan bhej dainay ka wada kya hai.