Raigad: Bollywood ki mashhoor o senior adakara Shabana Azmi haftay ke roz Mumbai , Pune Expressway par ek sadak haadsay mein zakhmi ho gayi hain. Bataya ja raha hai ke is haadsa mein wo shadeed zakhmi hui hain, Aur inhen hospital mein daakhil karaya gaya hai.
Police ne is silsila mein maloomat faraham ki hai ke un ki Car Truck se takra gayi, Jis ke baad ye haadsa pesh aaya. Adakara ke sath sath, Un ke Driver ko bhi kaafi chouten aayi hain. Unke hamrah Car mein un ke shohar aur naamwar naghma nigaar Javed Akhtar bhi mojood they.
Waqeye ke silsilay mein, Raigad Superintendent police Anil ne bataya ke ye haadsa Mumbai se 60 kilo meter daur khalapur ke qareeb 4.15 bajey pesh aaya. Shabana Azmi jis ka mein safar kar rahi then, Wo truck se takra gayi. Unhoun ne bataya ke Shabana Azmi ko Navi Mumbai ke MGM hospital le jaya gaya hai. Aur un ka ilaaj jari hai.
Fori tor par ye wazeh nahi ho saka hai ke Javed Akhtar bhi zakhmi huve ya nahi, Lekin aur ek na maloom khatoon ke shadeed zakhmi hone ki khabar hai. Haadsay ki jagah ki tafteesh ke liye police ke gashti dil rawana ho gaye hain. –YTN STAFF