New Delhi: Bharatiya Janata Party ke qaumi Saddar Amit Shah ney kaha hai ke un ki party poooray Mulk mein NRC laago karne ko yakeeni banaye gi. Amit Shah ka kehna hai ke is Mulk se Buddhist, Hindu aur Sikhon ko chode kar har aik ghairqanooni tareeqay se ghusney walay (Infiltrator) ko nikaal kar bahar kya jaye ga.
Amit Shah ney apne Twitte mein yeh baat kahi. Unhon ney Musalmanoon ka naam liye baghair ishaaron mein yeh baat kahi hai. Amit Shah ke is Twitte par awam ke ilawa Bollywood ki Maroof Shakhsiyation ney bhi narazgi ka izhaar kya hai.
Bollywood adakara o hidaayat Car Pooja Bhatt ney is bayan ko nafrat ki raajniti qarar diya. Bollywood Film Director Onir ney twitte kyia ke ” kaafi lambay arsa ke baad is terha ki pareshan kar dainay wali khabar padi hai”.
Bollywood adakara Soni Razdan ney apne twitte mein likha ” is se bad tar mein ne kabhi kuch nahi parha” agar yeh log jo keh rahay hain, waisa ho ga to Bharat ki madad sirf bhagwan hi kar sakta hai. Is terha Bollywood ke sitaron ney Amit Shah ke is bayan par radd e amal zahir kiya hai. Amit Shah ka yeh bayan Social Media par taizi se viral ho raha hai.