Uttar pardesh : Uttar pardesh Shia Central waqf board chairman Wasim Rizvi ne madarso may islamic state dehshat gardi ke nazariaat ki taleem dene ka ilzaam aaed karte hue mulk bhar may waqay madarso ko band kardene ka markazi hukoomat se mutalba kiya hai.
Is silsilay mein wasim Rizvi ne wazeer e azam Narinder Modi ko ek maktoob bhi rawana kiya hai, Wasim Rizvi ne markazi hukumat ko khabardaar kiya ke madarso ko band na karne par aaindah 15 saal mein Mulk ki muslim aabadi ka nisf hissa islamic state dehshat gardon ki taayed kere ga.
Unhon ne tashweesh zahir ki ke madarso ko janey wale bache samaaj se dur ho rahe hai Islami taleemaat ke naam par madarso may bunyaad parasti ki taleem dee ja rahi hai jo is muslim bacho ke liye hi nahi balke mulk ke liye khatarnaak saabit hoga.
Unhon ne kaha ke school mein taleem haasil karne ke baad bachon ko tahzeeb sikahne madarso may taleem dee ja sakti hai Ibtedayi taleem deme wale madarso ko band kardiya jaye .