Hyderabad : Online dhoka dahi to ek mamool ban chuki hai jahan aaye din mukhtalif tareeqoun se awam ko loota jata hai lekin ab online dhoka dahi ka asal nishana mulazimatoun ke zariye ban chuke hain kyunkay haliya dinon mein hyderabad mein mulazimatoun ke mutlashi afraad ko dhoka dahi ka ziyada saamna karna pad raha hai.
Cyberabad cyber crime police ne noujawanon ko khabardaar kiya hai ke woh mulazimatoun ke liye online honay wali dhoka dahi se khud ko mehfooz rakhnay ke liye har ahteyati tadabeer ikhtiyar karen.
Rawan baras ke ibtidayi 8 mahino mein mein 18 aisay muqadmaat darj hue hain jis mein mulazimatoun ke zariye afraad ko online dhoka dahi ka saamna karna padha hai.
Dhoka dahi ke muqadmaat ke douran un afraad ko lakhoun rupay ka nuqsaan bhi bardasht karna padha hai.
Dhokay bazoo ke liye online job ke Websites ek aasan aala-car ban chuke hain kyunkay jo afraad mulazmat ki talaash mein apni tafseelaat mukhtalif job portal par jari karte hain woh tafseelaat yeh dhoka baz haasil karte hue un afraad ko nishana banatay hain jo ke achi mulazmat ki talaash mein koshan rehtay hain.
Mulazmat ki farahmi mein honay wali online dhoka dahi ki tafseelaat batatay hue police ohdedaron ne kaha hai ke sab se pehlay dhoka baz mukhtalif job portals se un afraad ki tafseelaat haasil kar lete hain jo kay mulazmat ki talaash mein rehtay hain.
Mulazmat ki talaash mein rehne walay afraad ki tafseelaat haasil karne ke baad yeh dhoka baz inhen phone par kisi badi company ke mutaliqa manage