Dubai: UAE ne bairooni mumalik ke afraad jo Coronavirus bohraan ke baais mulazimtoun se mahroom hogaye hain, Un ke liye 19 shobo mein hungami asamyoun ke ishtiharaat diye hain. Tafseelaat ke mutabiq Corona bohraan se nimatnay ke silsilay mein hifazati iqdamaat ke baais UAE ke bohat saaray khangi idaroun ney ghair mulki karkunaan ko khidmaat se subukdosh kiya hai jis ki wajah se wo be roz gadi ki zindagi guzaar rahay hain. UAE mein Online market ko matloob mulazmeen ki tafseelaat Website par jari ki hai. 19 shobo mein darjanoun payshay aisay hain jin par ghair mulkioun ki khidmaat darkaar hain.
Un mein kuch asamyan wo hain jinhein mustaqil mulazim darkaar hain aur kuch aisi hain jin par 6 mah ke liye mulazim matloob hain. Tankhwahin mahana 3 hazaar Dirham se leker 10 hazaar Dirham tak ki hain. Wizarat afraadi qowat ki jari kardah it-tila-aat ke mutabiq tamirat ke shobay mein Mechanical Engineer. Godamoun ke In charge, Mansoobah bandi Engineer, Maintains Incharge, Civil Engineer, Tamirati mazdoor, Lohaar aur Badhani ke peshoun ki jayidadin khaali hain.
Khoraak ke shobay mein Assistant Chief ki asaami khaali hai. Online Business ke shobay mein rabita markaz aur General Store ki marketing ke pishoun ki asamyan khaali hain. Restaurant mein Waiter aur Manager matloob hain jabkay sarkari taluqaat ke shobay ko Auditor aur Personal Office ka maahir matloob hai.
Qanooni khidmaat ke shobay mein qanooni musheer, Computer Programs ke shobay mein Information Technology farokht karne wala, Karsasi ke shobay mein tankhwahoun ka Structure tayyar karne wala, Marketing aur ishtiharaat ke shobay mein Telephone ke zariye samaan farokht karne wala aur Graphic Designing jabkle jayidadoun ke shoba mein taluqaat aama ka Incharge aur Business Consultancy mein mulazimat ke umoor ka maahir, Retail ke shobay mein saudey kirana wala Agent aur Care Center ke numainday ki jagah khaali hai jabkay Accountant ki asamyan bhi mojood hin.
Dawakhanoun aur Medical Clinics mein Nurses, Afraadi qouvat ke Director, Incharge, Personal Office ke maahir, Mareezoun ke umoor ke Incharge, Khawateen ke liye Nurses, Ghar par Nurses ki saholaten aur Arab Nurses darkaar hain. Transport ke shobay mein Driver, Loader Operator aur Drilling Machine ka Operator ilawa azeen taqrebaat ke idaray ke liye Sales Women, Afraadi qouvat ke shobay mein mutadid mulaazmaten khaali hain. –YTN STAFF