Hyderabad : AIMIM ke sarbarah wo rukan-e-parliment Hyderabad Asaduddin Owaisi ne hafta ke roz riyasat Uttar pradesh mein aman wo Amaan ki bigadhti sorat-e-haal par Uttar pradesh ke wazeer-e-aala Yogi Adityanath ko tanqeed ka nishana banaya. unhon ne kaha ke Uttar pradesh hukoomat ko riyasat mein aman wo Amaan ko yahkeeni bananay par tavajja deni chahiye.
Sath hi Owaisi ne Yogi Adityanath ki janib se maeeshat ke baarey mein bayan dete hue Mughals par tanqeed karne par kaha Mughal ke ehad mein hindustani maeeshat mein taizi se taraqqi hui, lekin Angrezoun ne usay mukammal tor par khatam kardya“.
Wazeh hoke UP ke wazeer-e-aala Yogi Adityanath ne Mumbai mein 3 roza aalmi hindu iqtisadi forum ke programme mein girtiy hui maeeshat ke liye Mughals aur Angrezoun ko zimmedaar tehraya tha. Yogi Adityanath ke isi bayan par Asad Owaisi ne kaha ”Yogi Adityanath ne ek baar phir yeh saabit kar diyahay ke inhen kisi bhi cheez ke barey mein koi maloomat nahi hain. aur yeh sirf unki khush qismati hai ke woh mulk ki sab se badi riyasat ke wazeer-e-aala hain.
Asad Owaisi ne yogi Adityanath par ilzaam lagaya ke woh musalmanoun ke liye kuch bhi acha karne se nafrat hai. lekin is se tareekh nahi badal sakti. Owaisi ne mazeed kaha ke ”woh qubool karte hain ke British hukoomat ke douran maeeshat mukammal tor par tabah hui thi, lekin unhon ne daawa kiya ke Mughal hukmarani mein maeeshat ki sorat-e-haal iske Bar-aks tha. –YTN STAFF