Aligarh : Shehar Aligarh ke Mufti Mohammad Khalid Hamid ney shehar ke tamam masajid ke muntazmeen ko hidayat ki hai ke woh jummay ke din sadakhoun per namaz padhnay ke bajaye masajid ki chath par namaz ada karne ke intezamat karen. shehar ke mufti ki taraf se yeh elaan muslim tabqa ke afraad ki zilai intizami ohdedaron se mulaqaat ke baad samnay aaya hai, jinhon ney sadakhoun par honay wali tamam mazhabi sar garmion par pabandi aed kar di hain.
Mufti Mohammad Khalid hamid ney nama nigaron ko bataya ke agar che sadakhoun par namaz padhnay ka koi bandobast nahi hai, lekin log masjid ke andar jagah ki kami ki wajah se baaz auqaat aisa karte hain.
Unhon ney kaha mai ney is silsila mein tamam masajid ke muntazmeen ko aagah kar diya hai, aur agar zaroorat ho to chath per intezamat karna hoga. unhon ney mazeed kaha ke eid ul fitar aur eid ul zuha jaisay khaas mauqa par log jame masjid aur eid gaah ki sadhkoun par namaz ada karenge.
District Magistrate CB singh ney kaha ke khaas mawaqay ke liye masajid ya kisi dosray mazhabi idaray ko paishgi ijazat leni hogi. agar koi pabandi ki khilaaf varzi karte hue pakda gaya, to ibadat ki jagah ke muntazim ke khilaaf mazhab se qata nazar sakht karwai ki jayegi. aur hukkaam is tarhan ki khilaaf wazion ki video bana lenge.
Mazhabi sar garmion par pabandi ke baare mein Aligarh intizamia ke zair-e-ihtimaam ijlaas mein shareek dayen baazu ke kaarkunon aur hindu rehnumao ka kehna tha ke jab tak doosri baradri ke log is pabandi ki khilaaf warzi nahi karenge tab tak woh kuch nahi karenge. Aligirah mein bajrang dal ke convener GoRav sharmaa ney kaha ”agar musalman jummay ko sadkon par namaz padheenge, to hum sadkon par aarti karenge aur hanuman chalisa ka path karenge. –YTN STAFF