Hyderabad: Darul Uloom Deoband ke ustaad mufti Ishtiaq Ahmed Qasmi ko un ke tehqeeqi maqalay Ulma Hamza Deoband ki Urdu sawanah amryoun ka tanqeedi jaiza par P.hD ki Degree tafweez ki gayi. mufti Ishtiaq Ahmed ne ye maqalah Maulana Azad National Urdu University ke ustaad Dr. Shams Al-Hadi Deryabadi ki nigrani mein mukammal kiya. Is maqalah par shoba Urdu Maulana Azad National Urdu University ke Hall mein munaqed huva, Mumtahin ki hesiyat se sabiq sadar shoba e Urdu Osmania University Hyderabad Dr. Fatima Parveen tashreef layi then, Unhoun ne taweel manqesha ke baad maqalah ki sataish ki aur usay mumtaz tehqeeqi maqaloun mein qarar dete huve Research Scholar mufti Ishtiaq Ahmed Qasmi aur nikara Dr. Shams Al-Hadi Deryabadi ko mubarakbaad di.
Mufti Ishtiaq Ahmed ne apne is tehqeeqi maqalah mein Ulama Deoband ki sawanah omryoun ka Scientific mutalea kiya hai aur jadeed usool ke mutabiq Ulama Deoband ki sawanah omriyoun ka tanqeedi, Tehqeeqi aur taqabli jaiza pesh kiya hai. Is mauqa par shoba Urdu Maulana Azad National Urdu University Hyderabad ke sadar Professor Naseemuddin Frais, Professor Farooq Bakhsh, Dr. Jabir Hamza , Dr BB Raza, Shoba Arabi ke ustaad Dr. Javed, Shoba taleem ke ustaad Dr Afroz , Is ke alawa badi tadaad mein Research Scholars, Talba mujod thay.
Mufti Ishtiaq Ahmed Qasmi Darul Uloom Deoband mein tadrees ke faraiz anjaam de rahay hain, Is se qabal Dr. Shams Ul Hadi ki hi nigrani mein Darul Uloom Deoband ke 3 baday shayar ke unwan se maqalah tehreer kar chuke hain jis par inhen M.Phil ki Degree tafweez ki gayi thi.
Is ahem kamyabi ke liye badi tadaad mein sarkardah shaksiaat aur danishwaroun ne inhen mubarakbaad pesh ki hai. Jin mein se chand naam Dr. Abubaker Ibad ustaad shoba Urdu Delhi University, Darul Uloom Deoband ke Sheikh Ul Hadees o sadar Madresen Mufti Sayed Ahmed Palanpuri, Mufti Ashraf Abbas Qasmi, Maulana Shah Alam Gorakhpuri, Jamia Rabbani Munawwar Shareef ke muhtamim mufti Akhtar Imam Adil Qasmi, Maulana Ahmed Sajjad Qasmi, Professor Shams Alam Qamar , Sr Noshad Alam, Mufti Rizwan Qasmi Mumbai, Abdalbari Qasmi, Nayaab Hassan Qasami,Shadaab Shamem, Waalid Anwaar Ahmed, Irshad, Faizan Alam aur deegar shaamil hain. –YTN STAFF