Hyderabad: Hindustan mein muashi bohraan ki wajah se ek janib jahan auto mobile shoba ko na sirf mushkil sorat-e-haal ka saamna hai balkay is shoba mein haliya mahino ke douran senkdon afraad ko apni mulzimatoun se haath dhona pada hai jabkay doosri janib awam mein istemal cars ki khareed wo farokht urooj par dekhi jarahi hai.
OLX ke market ke mutalea ke teesray edition ki tafseelaat manzar-e-aam par paish ki gayi hain jis mein wazeh kiya gaya hai ke is waqt Hindustan mein istemal cars ki khareed wo farokht nai cars ki banisbat 1.3 gunah ziyada taraqqi kar chuki hai aur umeed ki jarahi hai ke 2023 tak yeh market 25 billion dollar tak pohanch jayegi.
OLX auto note 3 ki report mein kaha gaya hai ke 2018 may istemal cars ka kaarobar 4 million dollars tak tha lekin 2019 may yeh adaad wo shumaar 4.4 million tak pohanch chuke hain jabkay 2020 may 5 million aur 2030 tak 5. 5 million unit honay ka imkaan hai.
Doosri janib nai cars ki market guzashta do barson ke douran nuqsaan mein jarahi hai jaissa ke 2018 may is shoba mein adad wo shumaar 3.3 million unit record kiye gaye they jabkay 2019 may yeh 3.1 million record kiye gaye hain.
Umeed ki jarahi hai ke 2020 may yeh 3.3 million record honge. istemal cars aur nai cars ke mawazna ke zimn mein 2022 ka saal dilchasp hai kyunkay is saal jahan istemal cars ki khareed wo farokht mein taraqqi zahir karte hue is ke adad wo shumaar 5.8 million unit zahir kiye gaye hain to wahein nai cars ke khanah mein sirf 3.6 million unit bhi darj hue hain.
Istemal cars ki market aur awam mein is ke rujhanaat ko samajhney ke liye OLX neh 15000 se zayed aisay afraad ke khayalat ka mawaad jama kiya jinhon neh guzashta ek baras ke douran istemal car khareedi ya farokht ki hai.
Istemal car aisay afraad mein pehli pasand ban rahi hai jo zindagi mein pehli ya doosri martaba car khareed rahay hain. pehli martaba car istemaal karne walay 49 feesad afraad ki pehli pasand istemal karen hi hain jo kay guzashta ek baras ke douran istemaal ki gayi hon. –YTN STAFF