New Delhi: Hindustani cricket team ke sabiq captain MS Dhoni cricket se kinara kashi ke baad mulk ki khidmat ke liye siyasat ka rukh karne walay hain? dhoni BJP mein shamoliat ikhtiyar karsaktay hain? aisay imkanaat is liye bhi hain kyunkay yeh daawa khud BJP leader ki janib se kiya jaraha hai.
Bihar BJP ke ek bade leader aur sabiq markazi wazeer ka daawa hai ke MS Dhoni BJP ki rukniat haasil karenge. Bihar Vidhan parishd ke rukan aur sabiq markazi wazeer sanjay paswan ne kaha hai ke Dhoni BJP ki rukniat haasil karen is ke liye kayi martaba unse baat ki gayi hai.
BJP ki ek muhim ke douran party ke bade Leader bhi dhoni se mulaqaat kar chuke hain. paswan ne kaha ke samaaj ke jo bhi role model hain chahay woh khel se hon ya filmi duniya se, taleem se hon ha kisi bhi shoba se unko sath lene ki koshish ki jarahi hai. dhoni hamaray sath atay hain to party ke liye kaafi acha hoga. BJP leader ne kaha ke woh kisi leader se ziyada awam ko mutasir karenge.
Hamari party ki koshish hai ke har shoba ke role model ko jodein. MS Dhoni ki BJP mein dakhlay per congress ne kaha hai ke agar dhoni ko siyasat mean aana hai to wohi tey karenge inhen kis party ko apnaana hai. congress leader prem chand ne kaha hai ke BJP mulk ke sabhi Namegrami logoun ko party mein shaamil karwane ka mansoobah rakhti hai. aisi khabrain guzashta saal bhi thi jab Amit Shah dhoni se milnay pohanche they.
Siyasi qaideen ke bayanaat se qata nazar Dhoni ke siyasat mein dakhlay ki baat sun kar unke madah bhi kaafi khush hain. madah chahtay hain ke MS Dhoni cricket ki tarhan hi siyasat mein bhi ek sahih team ke liye ek taweel aur dhamakay daar inning khelain. Behar-e-haal MS dhoni agay kiya karenge yeh to waqt hi batayega lekin mahi ke siyasat mein anay ki khabar se ek nai behas ka aaghaz hochuka hai. -YTN STAFF