Bhopal: Madhya Pradesh ke Sagar shehar mein jummay ke roz Cessna Training tayyarah parwaaz ke douran gir kar tabah hogaya. ye haadsa subah 9:30 bajey pesh aaya. Shaam 8.35 ke qareeb, Chimes Aviation Academy ka tayyarah rawana huva. Ghany dhund ki wajah se run way se 300 meter daur ek form mein haadsa pesh aaya.
Police Superintendent Sagar ke mutabiq, Amit Sanghi, 58 sala trainer pilot Ashok Makwana , Aur 28 sala trainee pilot Piyush Chandel ki mauqa par hi mout hogayi. Dono Mumbai ke rehne walay they.
Hawai jahaaz ka cockpit ko buri terhan nuqsaan pouncha tha aur pilot is mein phas gaye they. Jaddo jehed ke baad nikaal liya gaya, Aur Sagar ke niji hospital le jaya gaya, jahan usay murda qarar diya gaya.
Madhya Pradesh qanoon saaz Assembly mein oppostion rehnuma Gopal Bhargava ne mutasireen se izhaar taaziyat kiya. Unhoun ne kaha’ mujhe apne assembly halqa dhandaa mein hawai jahaaz ke haadsay ki khabar mosal hui hai. Mein jaan bahaq afraad ke lawahiqeen aur dostoun se izhaar taaziyat karta hon. Bhargava ne kaha ke gham ki is ghadi mein khuda inhen himmat aur taaqat ataa kere.
Wazeer aala Kamal Nath ne bhi mazkorh haadsay par apne gham ka izhaar kiya. Unhoun ne Twit kiya, ”Jaan bahaq afraad ke ahal khanah se tayeziyat“. Batadin ki Gwalior Chambal Division sameit riyasat ke beshtar azlaa ghany dhund ki lapait mein hain. –YTN STAFF