Hyderabad: Ab jabkay GHMC intikhab ki tayyariyan urooj par hain toyh rujhan badh raha hai ke jin umeedwaron ke khilaaf fouj daari muqadmaat darj hain inhen ticket na diya jaye.
Is waqt hyderabad mein taqreeban 72 aisay corporators hai jin jin ke khilaaf fouj daari muqadmaat darj hain.
Forum far good governance ke ek tajzia ke mutabiq siyasi jamaaton se appeal ki gayi hai ke woh mujremana record ke haamil umeedwaron ko ticket dainay se guraiz karen.
Media numainday se baat karte hue mazkoorah forum ke secretary M. Padmanabha Reddy ne kaha mujrimon ka siyasat mein daakhil aaj ka daur mizaaj ban chuka hai. unhon ne kaha ke mujrimon ko assembly ya municipal coopration mein dakhlay se rokna siyasi jamaaton ke haath mein hai. Padmanabha Reddy ne mazeed kaha ke bohat si siyasi jamaten umeedwaron ko ticket day rahi hain jinki tawaqqa ki jati hai ke woh apne mujremana pas manzar ko nazar andaaz karte hue jeet jayenge.
Unhon ne kaha ke siyasi jamaaton par ikhlaqi zimmadaari aaed hoti hai ke woh mujremana pas manzar ke haamil umeedwaron ko ticket nah den. Forum ke mutabiq unke geherai se tajzia se inkishaaf hua hai ke TRS ke 16, AIMIM ke 13 aur BJP ke ek mojooda corporators ka maazi mujremana sar garmion ka tarjuman hai.
Forum ne ek bayan mein kaha gaya ke intikhabaat mein hissa lainay walay mujriman intikhabi amal mein khaas tor par shehri ilaqon mein raye dahindgaan mein mayoosi ka baais bantay hain aur iske nateejay mein raye shumari ki sharah kam hoti hai. isse bachney ke liye amli iqdamaat ke baray mein baat karte hue Padmanabha Reddy ne kaha hum umeedwaron ki mujremana tareekh ke adaad wo shumaar ke sath logon se rujoo Karenge aur umeedwaron ke mujremana maazi ke baray mein raye dahindgaan mein aagahi paeda karenge, aur umeed karte hain ke hamari is koshish se log un corporators ko vote dainay se guraiz karenge jinka mujremana record hai.